ခွန်ဖန်ဒွဲ့(RYPAK)
Pa'O Web Developer |Pa'o language development| တဲမ်းလိတ်သား
Pa'O Web Developer |Pa'o language development| တဲမ်းလိတ်သား
Khun Phan Duae is a Pa'O youth who was born in 2001 in Kyauk Ka Char village, located in the Pa'O Self-Administered Zone. He has worked in language development and music and arts. During his childhood, Khun Phan Duae lived in Namhsan Township. In 2013, he studied in Yangon before continuing his education in Bagan. In 2017, he returned to Kyauk Ka Char village and lived long-term with his friends from RYPAK (Rohingya Youth), Khun Phan Duae's best friends are Khun Kyaw Sein, Khun Nay Myo, Khun Maung Kyan, Khun Tun Oo, Khun Than Aung. Between 2022 and 2023, he contributed to literature, arts, and the development of the Pa'O language by organizing donation activities and writing an online dictionary. On February 14, 2024, he became a war refugee due to clashes between the Pa'O National Liberation Army (PNLA) and the military council in the highland areas of Mei Nae Taung, southern Shan State. Amid worsening social conditions, on March 6, 2024, he joined the headquarters of the PNLA, located in Ban Mak village, Kadu Gyi area. Within a month, he attended the PNLA military academy training and, on April 24, 2024, took an additional month-long drone training course in De Maw So town, the liberated area under the control of the allied group KNDF. After completing the training, he returned to the PNLA headquarters in Ban Mak village on May 10, 2024, where he established the drone unit, named PNLA UAV. On July 4, 2024, during the rainy season, he participated in the Thihri Puon Ran operation. On December 3, 2024, his final mission was in the eastern region of Puon Chaung, where he led the drone unit, operating under the callsign "Love and Bullet." After nine months of dedicated service, he resigned from the PNLA on December 26, 2024.
နေင်ႏ 2001ဩဂဲစ်လာ 2နီꩻ သက္ကရာဇ်နေင်ႏ 1368ဗာႏ ဝါႏခေါင်ႏလောင်း13နီꩻ ဖြဝ်ꩻခမ်းနယ်အခဝ်နဝ်၊ တောင်ႏကီꩻခရဲင်ႏ၊ပအိုဝ်ႏနမ်းပဲင်ႏဒို့ꩻခွုမ်ခွင်ꩻလꩻအုံတွူး ဟိုပုံꩻဝေင်ꩻနယ်ႏ ခမ်းမုဲင်းကောင် ဒုံတန်စောက္ကဆျာႏအကို ဖါခွန်စိန်ရွှေ၊မွိုးခံꩻဖွန်သီးလွူးဖွာꩻလင်ꩻပိုအဖြာꩻပေႏသွတ်ꩻဆꩻကီသွူ၊ ဖူးဝေးအဝ်ႏ6ဖြာꩻအကိုထွာ ခွန်ကျော်လ၊ခွန်တပြုး၊နင်ႏမူႏလဲင်ႏ၊ခွန်ကျော်အောင်၊ခွန်မောင်ႏကံႏ၊နင်ႏသွဉ်ꩻပေႏသီးဖုံႏသွူ။ အွိုးပေႏခါသက်ပေႏလꩻသွံနေင်ႏအယံတွင်ꩻနဝ်ꩻလွေꩻအုံအဝ်ႏဒျာႏ ဒုံတောင်နဝ့်အွိုးခမ်းကွဉ်ႏထျꩻသူꩻ မဉ်ꩻဟဲ့ꩻ ခွန်ပေႏဒိသွူ၊ ခမ်းထီတစွူတဝ်းတရေင်ငါႏတဲင် ထိုꩻလွေꩻအုံယင်း ဒုံထီတဖြေ အွိုးဝေင်ꩻနောင်ဗိုဆꩻထင်ꩻကိုအဝ်ႏနဝ်ꩻသမ်းထွာဒျာႏ ဒုံပေႏတဒုံနဝ်ꩻမꩻ ပညာႏတာႏ သွဉ်လိတ်ကျောင်ꩻတဲ့တအဝ်ႏတဝ်း အဝ်ႏဗော့ꩻလိုပ်မာꩻလွိုင်ꩻတုံးခြံတုံးဖုံႏလွုမ်ꩻတဲင် လိုပ်ꩻမာꩻဆို့ꩻရုဲင်ထွိုင်ႏအဆင်ႏတပြေႏတဝ်းတွော့ꩻ သဲင်ꩻအုံချာယင်း ဒုံတန်စောက္ကဆျာႏကို ထွိုင်ႏတွိုႏလွဉ်နေင်ႏ2013နဝ်ꩻ ဗုဲင်သျင်ႏအုံနေင်ႏတရျာꩻကျောင်ꩻနမ်းဟုတ် တနေင်ႏရပ် ဟဲ့ꩻဖန်ဘွဲ့မဉ်ꩻပညာသီဟသွူ ထင်ႏတွိုႏ2014နဝ်ꩻ လင်ꩻသွဉ်လိတ်အွိုး ဝေင်ꩻရန်ႏကွုန်ႏ အရှေ့ဒဂုံ ပအိုဝ်ႏကျောင်ꩻမြတ်ခမ်းကောင်ကို အုံအဝ်ႏလစ်ꩻနေင်ႏရပ်သွူ၊၊ တဲႏကာႏပေႏပေႏလွဉ် ထီႏဗာႏထွားဗာႏ စွိုးခွိုꩻသမဲင်ꩻတွမ်ႏလိုꩻခွိုꩻလိတ်လုဲင်ꩻဖဲ့ꩻ၊လိတ်တဲ့ဒါႏလဲပ်မွေးစွဉ်ႏ အွိုးအတွင်ꩻနဝ်ꩻခါ ဟဲ့ꩻဖန်မဉ်ꩻ မောင်ဒွိနဝ်ꩻသွူ ထင်ႏတွိုႏ2016တဲင် သဲင်ꩻတွိုႏချာဒုံစောက္ကဆျာႏနမ်းဟုတ်ကျောင်ꩻထွူ လင်ꩻအုံသွုပ်ထဲင်း ဝေင်ꩻလီꩻပုဂံႏကျောင်ꩻတောင်းကီꩻကို မဉ်ꩻယိုဟဲ့ꩻဖန် မောင်ဒွဲ့သွူ၊ သက္ကရာဇ်နေင်ႏ ၁၃၇၉ဗာႏ ညောင်ဦးဝေင်ꩻ ၃၉လဲင်ႏဗွေ (ပရိယတ္တိ သာသန ပါလ စာပြန်ပွဲ)လိတ်ပွယ်ꩻနဝ်ꩻ အောင်ႏဗꩻခန်းမူလရန်း အရဲဉ်ႏမုဲင်ပထမထွူ တနေင်ႏရပ် သဲင်ꩻတွိုႏချာ ဒုံစောက္ကဆျာႏတဲင် သဲင်ꩻအဝ်ႏထွာလုဲင်ႏလိုꩻလမ်းဖဝနဝ်ꩻ မဉ်ꩻဟဲ့ꩻ ခွန်ဖန်ဒွဲ့သွူ၊ လိုꩻလမ်းလိတ်ပညာႏယို သမ်းတသွဉ်ဗာႏတဝ်းနဝ်ꩻမꩻ ထိုမ်ႏထောင်ထွားချာလုဲင်ႏအထန်ႏထာꩻသေဉာဏ်ပညာႏဖုံႏတဲင် ခွုမ်မာꩻသွုပ်လုဲင်ႏထာꩻမာꩻအသောင်ရင်ꩻအလင်ဖုံႏသွူ၊ နေင်ႏ2021ကို ထောင်ထွားထီႏသေ နယ်ꩻပညာႏစိုးအိုန်လုဲင်းလောင်းသော့ဝဲလ်းAppတဲမ်းနယ်ꩻတွမ်ႏဝဲက်သုဲက်Websiteတဲမ်းနယ်တခူႏတခဝ်ထွူ၊ တဲမ်းထဲမ်လွေꩻသွုပ်ထဲင်း ပအိုဝ်ႏဝိစ်ဆိဉ်နရီကထွာဒါႏဒိုမိန်းဝဲက်သုဲက်လောင်းပါထဲင်း ဝီခီတက္ကသိုလ်ႏ ယိုတွမ်ႏ ဝီခီထာꩻမာꩻခြပ်ရဲဉ်ႏအလင်ဖုံႏကို အဝ်ႏသုင်ꩻလွေꩻအကောင့်ကမ္ဘာႏတန်ဖဲ့သုင်ꩻဖြာꩻဖုံႏ(Global accounts)မဉ်ꩻ KhunRorNa၊Khun Ry Pak ၊ ခွန်ဖန်ဒွဲ့၊ KhunPhanDuae(RYPAK)ဖုံႏနဝ်ꩻသွူ၊ တဲမ်းရွမ် ပအိုဝ်ႏငဝ်းခြွဉ်းဗူႏ(အဘိဓာန်ႏ)၊နယ်ꩻပညာႏစိုးကို အလင် ဘာႏသာႏငဝ်းငွါဝဲက်သုဲက်လောင်းကီယို တဲမ်းထဲမ်သော့ꩻဖေႏပါ ပအိုဝ်ႏတာႏသွူ။
နေင်ႏ၂၀၁၉ ခိင်ႏ ခွန်ဖန်ဒွဲ့ယိုထောင်ထွား တွဲႏဗီဒီယိုခရာႏတွမ်ႏတဲမ်းဝတ္ထုရွမ်ဖြုဲင်ꩻထွူ တွဲႏပျောႏဗီဒီယိုဖုံႏတဲင်သွဉ်ခြပ်ချော်ꩻလွဉ်နဝ်ꩻသွူ။ နေင်ႏ ၂၀၂၂ ကို သꩻထာꩻခံႏစာꩻဟွုန်ဗာႏထီႏဗာႏငဝ်းသꩻချင်ꩻစွိုꩻအရွစ်ယံသားဖုံႏတဲင် သꩻဝါႏသꩻနာႏအာႏသန်လွဉ် အနုပညာႏ အဒုံႏအူဖဲ့ꩻသွူ၊နေင်ႏ ၂၀၂၃ မော့ꩻခွဲးတွမ်ႏသွꩻပေႏ ဒုံႏတိန်ႏသား ခွန်စိန်ဦး၊ခွန်သန်းကျော်၊ခွန်စိန်ထွန်းသီးတွော့ꩻ ခွန်ဖန်ဒွဲ့တဲ့သွဉ်ဒုံႏနုဲင်းခန်းဒျာႏတိန်ႏထွူတဲမ်းစန်ႏရွစ်လွေꩻငဝ်းသꩻချင်ꩻဖုံႏသွူ၊ ဖေ့ဘုတ်လောင်းကီကဒင်ႏခါꩻထင်ႏ အရီးအွဉ်သွတ်ꩻကရွစ်ထန်ႏငဝ်းသꩻချင်ꩻမဉ်ꩻနဝ်ꩻ အဝ်ႏကုဲင်လွုမ်ꩻသꩻရာႏပꩻ တွမ်ႏ သꩻယပ်ꩻငါႏ ယိုနီပွုဒ်သွူ၊သꩻဝါႏသꩻနာႏအနုပညာႏဖဲ့ꩻနဝ်ꩻ အရွစ်ယံငဝ်းသꩻချင်ꩻ၊ ပွုံႏဆောင်ႏ၊ တဲမ်းရွမ်ဖြုဲင်ꩻဖုံႏအကိုယိုလဲ့ꩻအဝ်ႏပါသွူ။
ပရဟိတထာꩻမာꩻဖဲ့ꩻနဝ်ꩻ ခွန်ဖန်ဒွဲ့နဝ်ꩻ ပအိုဝ်ႏပညာႏဖဲ့ꩻတာႏနွောင်ꩻရာꩻအဝ်ႏစွဲးကမ်းထဲမ်လွေꩻသွူ၊ ပအိုဝ်ႏခွိုꩻသွုပ်တသာလိုꩻပေႏဆꩻလအတာႏ ဘာႏသာႏငဝ်းငွါဖေႏကထိုꩻမားဗာႏမွိုန်းတဲင် ပအိုဝ်ႏလိုꩻခွိုꩻ လိတ်လုဲင်ꩻဘာႏသာႏငဝ်းငွါ ထင်ႏထိုမွန်ဗန်လွဉ်အတာႏ ရုဲင်ꩻတသွိုးထာꩻမာꩻ အဝ်ႏတဲမ်းရွမ်လွေꩻဖေႏ ဝိစ်ဆိဉ်နရီ ငဝ်းခြွဉ်းဗူႏ(အဘိဓာန်ႏ)တွမ်ႏ ဝီခီတက္ကသိုလ်ႏကိုသောင်ႏသောင်ႏသာသာသွူ၊ အနုပညာႏတွမ်ႏယေန်ႏငဲးအလောင်း အွဉ်ႏအရေꩻဒါႏ ပရဟိတထာꩻမာꩻ လိုꩻအစွိုꩻအဗူႏဖုံႏယို အဝ်ႏနွို့ခွုမ်စံႏမာꩻဖေႏသွူ။
၂၀၂၃.၁၀.၃၀ကိုအတာႏ ပအိုဝ်ႏဝီခီတက္ကသိုလ်ႏအစမ်ꩻဝီခီတဖူꩻရဲဉ်ႏနဝ်ꩻ ထာꩻတဲမ်းဖျင်အလဲင်ႏခြွဉ်း ၇၅၂ ဗော့ꩻအဝ်ႏ မာꩻနွောင်ꩻလꩻသွူ၊ နဝ်ꩻအကိုနဝ်ꩻ KhunRorNaယိုတဲမ်းထဲမ်အလဲင်ႏ ၃၃၃ တဲင် ထွာအအာသွတ်ꩻ တဲမ်းဖျင်နွောင်ꩻသားတဖြာꩻနဝ်ꩻမꩻ ဒင်ႏထင်ႏခါꩻဗာႏ မုဲင်တန်ꩻ ပအိုဝ်ႏဝီခီထွာနွောင်ꩻတာႏ-Pa'O Wikipediaကိုနဝ်ꩻသွူ။
၂၀၂၃.၈.၃၁ကိုအတာႏ ပအိုဝ်ႏဝိစ်ဆိဉ်နရီကို KhunRorNaနဝ်ꩻ ခွုမ်မာꩻဆင်ႏ အလဲင်ႏခြွဉ်း ၅၂၅ တဲမ်းထဲမ် ငဝ်းဖြုံႏဝေါဟာရ ၂၆၀ တဲင် ဒင်ႏသေꩻခါꩻမုဲင်တန်ꩻ Pa'O Wiki User Team ကိုသွူ။
၂၀၂၃.၈.၁၆ ကို Pa'O Wiktionary ဒိုမေင်း ထွူဗꩻလꩻလဲဉ်းအကျောင်ꩻ ထူႏဂုဏ်ႏလိတ်အွဉ်ႏသေမုဲင်တန်ꩻ ကို ဝီခီကေားသုင်ꩻသားမဉ်ꩻရဲဉ်ႏအမုဲင်၉ကိုKhunRorNaအဝ်ႏပါသော့ꩻလွေꩻထွူတဲင် ဒင်ႏထင်ႏခါꩻမုဲင်တန်ꩻ Pa'O Wikipedia Pageလောင်းနဝ်ꩻသွူ။
ခွန်ဖန်ဒွဲ့တဖူꩻလွေꩻဖဝဇာတ်ရဲဉ်ႏတလီးလွုမ်းအကို ဝွေꩻယိုနဝ်ꩻ ကအင်းထွာဒါႏအနုပညာႏရွစ်ငဝ်းသꩻချင်ꩻတွမ်ႏ လိတ်လုဲင်ꩻဘာႏသာႏငဝ်းငွါယို ထေမာꩻလွဉ်ပအိုဝ်ႏပညာႏဖဲ့ꩻတာႏနဝ်ꩻထွူဗꩻနွောင်ꩻလဲဉ်းနဝ်ꩻသွူ။RYPAK Friends အစွိုꩻကို တဲႏနေင်ႏ၂၀၁၇ဗာႏကို ထွာဖေႏကေားအွဉ်သားတဖြာꩻတဲင် ခွန်ဖန်ဒွဲ့ယို ကတဲႏထောင်ႏလွဉ်စ ရုဲင်းဖက်သွꩻပေႏစွိုꩻ ယိုနဝ်ꩻ ထွာဒျာႏသွꩻဟဝ်အစွိုꩻအဗူႏခရာႏ ယံထွာဒျာႏသွော့ꩻ လိုꩻယံတဖြာꩻ လိုꩻဟဝ်တဖြာꩻ အင်းမိုးခါꩻဒျာႏနုဲင်းနဝ်ꩻသွူ ရုဲင်းဖက်သွꩻပေႏစွိုꩻ ထာꩻရေႏရွယ်ႏချက်နဝ်ꩻ ပျောႏဒျာႏတွမ်ႏသွꩻ ထာဝရသွꩻပေႏရိုꩻနဝ်ꩻသွူ။ နီရုဲင်းဖက်သွꩻဟဝ်စွိုꩻနဝ်ꩻ လိုꩻတွိုင်ꩻအတာႏ ယံကထွာအီဒါႏ အကမ်းအုံနောင် အီႏဖန်ဆင်ꩻလွဉ်တိုꩻတက်ထင်ႏထိုဒါႏအသောင်ရင်ꩻတဗာႏယို တွမ်ႏဒျာႏလိုꩻအာ ခွုမ်မာꩻငီꩻငီꩻသွိုဝင်ꩻသွူ။
၁၄.၂.၂၀၂၄ နီꩻ စဲ့ꩻပွယ်ꩻထွိုင်ႏထွာ မုဲင်းကောင်ဒေႏသကိုတဲင် ခွန်ဖန်ဒွဲ့ယိုရေႏလင်ꩻထေ့ သထုံႏဝေင်ꩻ ခမ်းကူထျꩻနဝ်ꩻသွူ တွိုႏထင်ႏတောင်ႏကီꩻ တဖူꩻတန်သမ်းပေ့ꩻထိုꩻတဲင် အုံချာတေား ဒုံကွုံꩻယင်ꩻကိုသွူ အဝ်ႏနဝ်ꩻကိုညတဝ်း သွုပ်ထေ့လွေꩻ လွစ်ထန်ႏရေꩻသားစွိုꩻတဲင် အီႏသဲင်ꩻချာဒုံတာႏ ဟဲ့ꩻယင်းသွꩻပေႏအစွဲးကမ်းတွော့ꩻ အဝ်ႏဒုံကုံꩻယင်ꩻထောင်ခင်ႏကွဉ်ႏလွေꩻ လုဲင်းခြာ ဗꩻတွိုႏနမ်းခုတ်ရေဆယ်ထျꩻတဲ့ သွꩻပေႏလွဉ်ကျိုႏဆွုမ်ႏခန်းနဝ်ꩻမꩻ သဲင်ꩻတွိုႏချာဒုံစောက္ကဆျာႏလꩻ၅နီꩻရပ် ကထင်ႏဒါႏ စဲ့ꩻပညာႏခမ်းထင်ꩻ ရုဲင်းဖက်စွိုꩻ သွဉ်တန်ꩻလင်ꩻတွော့ꩻ တဖူꩻခွဲးဝင်ꩻ လွေꩻငီꩻခန်းဒျာႏ စွိုးခွိုꩻထာꩻမာꩻထျꩻသွူ။ ၆-၃-၂၀၂၄ နီꩻ ကာႏလတွင်ꩻကို လွေꩻအဝ်ႏခန်းဒျာႏ ကန်ႏတူႏတန်ဒေႏသ ခမ်းထီစွိုးခြွီအကယ်ဒမီ စဲ့ꩻပညာႏသွဉ်တန်ꩻကွင်ꩻကိုသွူ။ တွိုႏဖျော်စစခိင်ႏနဝ်ꩻ တနꩻစွဉ်ႏ ဟေမာန္တထာꩻလျားလာ သေင်ႏဝါႏလာႏဖုံႏ ဟူႏထဲ့လင်ꩻဟံႏလောင်း သွဉ်ꩻတန်ꩻခိင်ႏကာႏလ သွဉ်တန်ꩻဆရာႏ ခွန်ကျော်သက်ဦး ခွန်အင်းတိန် ခွန်ဘိုဖြူ ခွန်အောင်ႏသန်ꩻ သွဉ်တန်ꩻ ဥက္ကဌ ဗိုလ်မှူးခွန်စွဲးထိုသီးသွူ နဝ်ꩻခါအယံတွင်ꩻ ခမ်းလော့ ယာခိုး ယပ်ꩻယပ်ꩻခုဲင်ႏခုဲင်ႏ ကျိုꩻစာꩻကျပ်မွေး တွူႏတရန်လွေꩻဗာႏစွုမ်ႏနီꩻ နဝ်ꩻမꩻတဲင် ထွိုင်ႏလꩻ တလာလွို ၂၄-၄-၂၀၂၄ နီꩻလင်ꩻသွဉ်သွုပ်ထဲင်း ဒရုန်းပညာႏသွဉ်တန်ꩻ မဟာမိတ်ထျꩻ ဒီမောဆို ဝေင်ꩻကိုသွူ။
အဝ်ႏယူႏမောင်ꩻလွေꩻခန်းအွိုးဆꩻငါသူꩻ၊ ပအိုဝ်ႏခမ်းထီယံမွန်ဗန်လွဉ် ဒုံဝေင်ꩻကအဝ်ႏအုံဒါႏလို့လို့ဖုံႏယို ယံတဲးဝါးလွဉ် ထာꩻမာꩻယိုတဗာႏယံကတွိုႏခြောင်ꩻနဝ်ꩻလဲ့ အီႏမာꩻတာႏ ခွန်ဖန်ဒွဲ့သꩻဆန္ဒအဝ်ႏနဝ်ꩻသွူ။ နီလိုꩻခွိုꩻလိတ်လုဲင်ꩻပညာႏ ဘာႏသာႏငဝ်းငွါတဲ့ တဲမ်းရွမ်လွဉ် ပအိုဝ်ႏ(ငဝ်းခြွဉ်းဗူႏ)အဘိဓာန်ႏတွမ်ႏအီႏမာꩻအယံသွတ်ꩻအနာႏဂတ်ဆꩻငါအတာႏယိုနဝ်ꩻ အွဉ်ႏခါꩻကတိသစ္စာတိဉ်ႏခွေါင်ႏသွူ။